上星期，聽到茶水姐姐同個 Trainee 係 Pantry高談闊論自己跟「契媽」買咗邊隻股票，贏左幾多，個刻即刻明白宜家咁多宅男、全職媽媽走去炒股的確不足為奇。如果作為投資新仔，你可以唔知咩係 ETF、咩係 IPO，但呢位投資界新星又有「連登契媽」之稱的 Cathie Wood 大家又識唔識？
近排「連登契媽」兼有「女版巴菲特」之稱嘅 Ark investment (方舟投資) 創辦人兼首席執行官 Cathie Wood 旗下 ETF 投資嘅股票幾乎隻隻都升。只要你有留意開個市，多多少少都會參考下「契媽」的動向，皆因佢透明度極高，每日會披露上個交易日投資組合的持倉變化比大家參考，可說是繼 Elon Musk 後受到愈來愈多人 Follow 嘅對象。但佢嘅 Style 同巴菲特完全唔同，巴菲特投資開的大多是 cash flow 穩定而且傾向傳統行業的已成熟公司；反之，Cathie Wood 就鍾情科技股，而且仲會快人一步瞄準有潛力的科技公司，認為傳統舊經濟行業，未來十年將被創新科技顛覆，係佢投資概念入面，最重要就是要創新。另外，仲有樣野，佢旗下團隊的分析師幾乎都是來自產業界，全部無 financial background，真係估佢唔到。Cathie Wood 有個理論就是「去中間化」(disintermediation) ，即係去中間化的高風險產業好似能源業、工業、非必需性消費業、金融業等。想當年數碼相機 DC 仔取代了傳統沖哂相鋪，之後到 smart phone 取代 DC 仔，依種情況在各行各業不斷重覆發生。作為一個投資人，我地選擇企係破壞性創新趨勢潮流嘅個邊，定係故步自封？
雖然 Cathie Wood 的實力無地置疑，但股票投資亦不要人云亦云，自己要有獨立的思考，如其做 follower，不如花點時候深入研究箇中細節，同時留意下自己買的股會唔會被新興競爭者給淘汰。
#MrBusiness
Search